नागरिकता नभएकै कारण दलित मुसहर समुदायलाई बरियारपट्टी गापाले दिएन राहत

• वैशाख ३०, २०७७ | ४,४३६ पटक पढिएको |

लकडाउनका कारण दैनिक छाक टार्न समस्या भईरहेको बरियारपट्टी गाउँपालिका वडा नं. ४ को मुसहर समुदायिलाई गाउँपालिकाले नगरिकता नभएकै कारण राहत नदिइएको गुनासो गरेका छन ।
गाउँपालिकाले राहत वितरण गर्दा राहत लिन गएपछि नगरिकता माग गरियो, नगरिकता देखाउन नसक्दा राहत नपाउँने भन्दै फर्काएको पिडितहरुले बताएका छन् । वडा नं. ४ को मुसहर दलित वस्तीमा जम्मा २५ जना घरपरिवारलाई नागरिकता छैन । नगरिकता नभएका परिवारलाई वडा कार्यालय राहत दिइएका छैन ।
४९औँ दिनको लकडाउनका कारण काम नपाएको यि मुसहर समुदायिका व्यक्तिहरुले गाउँमा भिख मागी गुजारा गरिरहेका छन । तर नेपाल सरकारको विभेद जस्तै भोट लिइएका लोकतान्त्रिक गणतन्त्रको अवधारणामा स्थापित स्थानियतहको सरकारबाट विभेद भएपछि दुःख लागेको पिंकी देवी सदायले बताए ।
गाउँपालिकाको जनप्रतिनिधिहरुले पार्टि कार्यकर्ता तथा हुने खाने वर्गलाई राहत वितरण गरेको र राहत संख्य बढी देखाई त्यस अनुरुपको वितरण नगरी राहतमा भ्रष्टाचार गरेको आरोप युवा संघ बरियारपट्टीले लगाएको छ । राहत सम्बन्धी भण्डाफोरको लागि बैशाख २२ गते अध्यक्षलाई १४ बुँदे ज्ञापनपत्र बुझाएपछि आज जनप्रतिनिधिहरु समक्ष माग कार्यन्वयनका लागि बैठकमा बोलाएको छ । यदि ज्ञपनपत्रको अवज्ञ गरिया,े भने भ्रष्टाचार विरुद्ध गाउँपालिकामा आन्दोलन पनि विभिन्न चरणमा गर्ने युवा संघले बताउनु भयो ।