सिरहामा एक क्वारेन्टाइनको सम्पूर्ण कर्मचारी कोरोना भाइरस पोजेटिभ

• असार ८, २०७७ | ७,५९२ पटक पढिएको | बैधनाथ कुमार यादब

सिरहा । सिरहा नगरपालिकाबाट सञ्चालित सूर्यनारायण सत्यनारायण मरवैता यादब क्याम्पस सिरहाको क्वारेन्टाइनमा व्यवस्थापनक देखि स्वास्थ्यकर्मि सहित कोरोना पोजेटिभ भएको छ ।
सोमवार क्वारेन्टाइनमा थप २३ जनाको रिर्पोट पोजेटिभा आएको मध्य ६ जना व्यवस्थापक र स्वास्थ्यकर्मि रहेको सिरहा नगरपालिका प्रशासकिय प्रमुख बलिराम यादबले बताउनु भयो ।
सिरहाको कोरोना भाइरस संक्रमितको रिर्पोटमा सबैका शंका हुन थालेका छन । आईतवार क्वारेन्टाइन बसेको एक जानको रिर्पोट निगेटिभ आएकोमा फेरी सोमवार त्यही व्यक्तिको रिर्पोट पोजेटिभ आएको छ । यस्ता घटनाले कोरोनाको लडाईमा क्वरेटाइनमा कार्य गरिरहेका कर्मचारीहरुका मनोवल घटिरहेका छन । कुनै पनि लक्षण नदेखिएका र सम्पर्कमा नगएकालाई कोरोना पोजेटिभ रिर्पोट आउनु रिर्पोट माथि शंक उब्जिरहेको प्रमुख यादबले सीमा संदेश दैनिकासँग बताउनु भयो । 
ढिलो गरी सर्वजनिक भईरहेको सिरहाको रिर्पोटमा विभिन्न त्रुटीहरुका कारण शंकाको घेरा भित्र रहेको छ । तर नेपाल सरकारको मान्यता प्राप्त प्रयोगशालले दिईएको रिर्पोटलाई स्वीकार गर्दै भईरहेको कमजोरी सुधारका लागि सरोकारवालाहरुको ध्यान आकर्षण एक स्वास्थ्यकर्मिले अनुरोध साथ गर्नु भयो ।
यसै क्वारेन्टाइनमा आईतवार सब भन्दा बढी कुल ५२ जना कोरोन पोजेटिभ रिर्पोट आएको थियो । 
यसैसँगै सिरहामा कोरोना भाइरस संक्रमितको संख्या १४६ पुगेको छ । कोरोनाबाट निको भई ५२ जनाले घर फर्केका छन ।