कमला नदीमा भूत मेला, धामी झाँकीको घुँइचो

• कार्तिक २२, २०७९ | ५८३ पटक पढिएको | सीमा संदेश

सिरहा, २२ कार्तिक । मधेसका विभिन्न भाग र भारतको केही भागमा कमला र गंगा नदीमा भूत मेला लागेको छ ।

सिरहा र धनुषाको सीमानामा पर्ने कमला र गंगा नदीमा एकाबिहानैदेखि स्नान गर्ने श्रद्धालुहरुको घुइँचो लागेको छ । सोमवार साँझ घरबाट धामी झाँक्रीसहित हिँडेका विभिन्न श्रदालु भक्तजनहरु सिरहा र धनुषाको सीमानामा पर्ने कमलाको सारश्वर, चिकना, बनिनिया, बसपिट्टा, बरेरबा, फूलबरिया, इनर्वालगायतका घाट पुगेका छन् ।

 कमला र गंगा नदीमा कात्तिक शुक्ल पूर्णिमाको दिन भुत बैताल, देवि देवताहरुको गुहान गर्दा त्यसबाट छुटकारा पाउने भगवानपट्टीका धामी झाक्रीले बताउछन । धामी झाँक्रीहरुले भूत र घरको कुल देवता खेल्दै आजको दिन अर्थात् कात्र्तिक शुक्ल पूर्णिमाको दिन स्नान गर्ने सदियौँको परम्परा भएको सर्वसाधारण बताउँछन्।  

यो मेलालाई धामी झाँक्रीको मेला पनि भनिन्छ । आजका दिन नयाँ नयाँ धामी झाँक्री बन्ने विश्वास रहेको छ । भूत मेलामा स्नान गरेपछि घर आउने बेलामा भक्तजनहरुले कमला नदीको शुद्ध पानी आ–आफ्नो घर लैजाने गर्छन् । उक्त पानीलाई जमिन छर्केर पूजाका लागि शुद्ध पार्न प्रयोगमा ल्याइने धामी झाँक्रीहरु बताउँछन् ।