जिल्ला अदालतका कर्मचारी २ लाख घुससहित पक्राउ

• वैशाख २५, २०८२ | ५७५ पटक पढिएको | सीमा संदेश

नवलपरासी जिल्ला अदालत परासीमा कार्यरत कम्प्युटर अपरेटर रामलखन बनिया दुई लाख घुससहित पक्राउ परेका छन्। जेलमा रहेका अभियुक्त छुटाइदिने भन्दै उनले घुस लिएका हुन्। 

लागुऔषध मुद्दाको पुर्पक्षमा कारागार कार्यालय नवलपरासीमा रहेका सेवाग्राहीसँग छुटाइदिन सहजीकरण गर्ने भनी घुस लिएको सूचनाका आधारमा अख्तियार दुरुपयोग अनुसन्धान आयोगको कार्यालय, बुटवलबाट खटिएको टोलीले नवलपरासी (बर्दघाट सुस्ता पश्चिम), पाल्हीनन्दन गाउँपालिका वडा नम्बर ३ बेलासपुर चोकबाट बुधबार साँझ नियन्त्रणमा लिएको हो। उनले अदालतबाट मुद्दा जिताएर छुटाइदिने भनेर पैसा लिएका थिए।