अमेरिका निरन्तर समर्थन गर्न तयार छ, पुटिनले हामीलाई मूर्ख बनाउन सक्दैनन् : जेलेन्स्की

• साउन २९, २०८२ | ३६९ पटक पढिएको | सीमा संदेश

युक्रेनी राष्ट्रपति भोलोदिमिर जेलेन्स्कीले अमेरिकी राष्ट्रपति डोनाल्ड ट्रम्पले आफूहरूलाई समर्थन गरेको र अमेरिका त्यो समर्थन जारी राख्न तयार रहेको बताएका छन्।

'पुटिनले हामीलाई मूर्ख बनाउन सक्दैनन्,' बुधबार बर्लिनमा युरोपेली नेताहरूलाई भेटेपछि र अमेरिकी राष्ट्रपतिसँग कुरा गरेपछि जेलेन्स्कीले यस्तो भनेका हुन‍्।

राष्ट्रपति ट्रम्पले रूस र युक्रेनबीचको युद्ध अन्त्य गर्न जर्मनीमा भएको वार्तामा फोन मार्फत भाग लिएका थिए। युक्रेनी राष्ट्रपतिले ट्रम्पले शुक्रबार पुटिनसँगको भेटपछि उनीसँग सम्पर्क गर्ने बताएको जिकिर गरेका थिए।

जेलेन्स्कीले एक मिडिया अन्तर्क्रियाका क्रममा भनेका छन्, ' यदि रूस युद्धविराममा सहमत भएन भने उनी त्यसमाथि थप प्रतिबन्धहरू हेर्न चाहन्छन्।'

उनले भने, 'पुटिन बकवास गरिरहेका छन्, उनी सीमासँग जोडिएको सम्पूर्ण क्षेत्र कब्जा गर्न खोजिरहेका छन्।'