प्रधानमन्त्री र राष्ट्रपतिलाई फेसबुकमा गाली गर्ने ११ जना पक्राउ

• असार २१, २०७७ | १,८७२ पटक पढिएको | सीमा संदेश

सिरहा । प्रधानमन्त्री केपी शर्मा ओली र राष्ट्रपति विद्या देवी भण्डारीलाई सामाजिक सञ्जालमार्फत गाली गर्ने ११ जना पक्राउ परेका छन् ।

वैशाखयता फेसबुक लगायतका समाजिक संजालमा प्रधानमन्त्री ओली र राष्ट्रपति भण्डारीको फोटो राखी विभिन्न गाली बेज्जती गर्दै फेसबुक स्टाटस लेख्ने ११ जनालाई पक्राउ गरिएको साइबर ब्युरोले जनाएको छ ।

ब्यूरोबाहेक प्रधानमन्त्रीलाई गाली गर्नेलाई प्रहरीको अन्य न्युनिटले पनि पक्राउ गरेको छ ।

ब्युरोले पक्राउ गरेकाहरूमा मनोज बान्तवा राई, उज्ज्वल दुलाल, शिवनारायण महतो, ईश्वर भट्टराई, रञ्जन सापकोटा, प्रकाश ढकाल, तारा नाछिरिङ, रामकुमार श्रेष्ठ, भीमप्रसाद उपाध्य, तोरणराज पौडेल र दुर्गा बाँस्तोला छन् ।

पक्राउ परेका सबैलाई १० हजारदेखि १ लाख १० हजार रुपैयाँसम्मको जरिमाना गरेर छोडेको छ ।