करिना फेरि आमा बन्दै, सेफ चौथोपटक बाबु

• भदौ १, २०७७ | ८५८ पटक पढिएको | सीमा संदेश

बलिउड अभिनेत्री करिना कपुर ३९ वर्षको उमेरमा दोस्रोपटक आमा बन्ने भएकी छन्। करिना आमा बन्न लागेको गसिप केही समययता चलिरहे पनि करिनाका अभिनेता पति सेफ अली खानले सामाजिक सञ्जालमार्फत करिना आमा बन्न लागेको आधिकारिकरूपमा जानकारी गराएका हुन्।

करिनाले पहिलो सन्तानका रूपमा सन् २०१६ मा छोरा तैमुर अलि खानलाई जन्म दिएकी थिइन्। हाल तैमुर ३ वर्षका भए। करिना आमा बन्न लागेको खबर बाहिरिएसँगै उनलाई आफन्त तथा फ्यानको बधाईको ओइरो लागिरहेको छ।

सेफ चौथोपटक बाबु बन्न लागेका हुन्। करिना सेफको दोस्री पत्नी हुन्। सेफको पहिलो पत्नी अभिनेत्री अमृता सिंहको तर्फबाट एक छोरा र एक छोरी छन्। सेफकी २४ वर्षीया छोरी अभिनेत्री सारा अली खानले बलिउडमा कदम राखिसकेकी छिन्।