उच्च माध्यमिक विद्यालय भलुवाहीमा व्यवस्थापन समिति चयन

• पुस १६, २०७७ | ९३८ पटक पढिएको | बैधनाथ कुमार यादब

सिरहा । सिरहा नगरपालिका वडा नं. ८ को उच्च माध्यमिक विद्यालय भलुवाहीमा चार सदस्य व्यवस्थापन समिति सर्वसहमतिमा चयन गरिएको छ ।

शिक्षा ऐन, २०२८ को संसोधित दफा १२ को १ (क) बमोजिम उच्च माध्यमिक विद्यालय भलुवाहीमा विद्यालय व्यवस्थापन समितिको पुरुष तर्फ चन्द्रदेव कामती र जिवछ कामती रहेका छन । त्यस्तै महिला तर्फ बबिता देवी र ललिता देवी कामती गरी कुल चार सदस्य समिति सर्वसहमतिमा चयन गरिएको छ ।

बिद्यालय व्यवस्थापन समितिको पूर्व अध्यक्ष विनोद कामतीले आफ्नो नेतृत्वमा विद्यालयमा ठोस निर्माण लगायत व्यवस्थापनका लागि १८ वटा कार्य गरेको प्रगति प्रतिवेदन प्रस्तुत गर्नु भयो । विद्यलायमा २०७६।०७७ को रु. १ करोड १६ लाख आय व्यय सर्वजनिक गरी अनुमोदन गरेको छ ।

कार्यक्रममा विद्यालय व्यवस्थापन समितिका पूर्व अध्यक्ष ४२ देखि ७३ सम्मका अध्यक्ष लगायत सदस्यहरु, आवकाश प्राप्त शिक्षकहरु, पूर्व प्र.अ. गंगा राम यादब लगायतलाई सामान पनि गरिएको छ ।