सिरहामा ७ जनासहित देशभरमा ४६० जनामा कोरोना सङ्क्रमण, ५ जनाको ज्यान गयो

• चैत ३१, २०७७ | ६६४ पटक पढिएको | सीमा संदेश

सिरहा । पछिल्लो २४ घण्टामा नेपालमा पीसीआर परीक्षणबाट सिरहामा ७ जनासहित देशभर चार सय ६० जनामा कोरोना भाइरसको सङ्क्रमण पुष्टि भएको छ । प्रादेशिक जनस्वास्थ्य प्रयोगशाला जनकपुरधामबाट  प्राप्त पि.सि.आर. रिपोटर्स आनुसार कर्जन्हा नगरपालिकाका ४ जना, मिर्चैया नगरपालिकाका २ जना र गोलबजार नगरपालिकाका १ जना गरी जम्मा ७ जनामा कोरोना भाइरस फेला परेको छ । कोरोना संक्रमित १९ देखि २९ वर्षका पुरुषहरु रहेका छन ।

४३ सय ८६ जनाको पीसीआर परीक्षण गर्दा चार सय ६० जना र आठ सय १७ जनाको एन्टिजेन परीक्षण गर्दा ५७ जना गरी कुल पाँच सय १७ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना सङ्क्रमण पुष्टि हुनेको सङ्ख्या दुई लाख ८० हजार नौ सय ८४ पुगेको छ ।

यस्तै पछिल्लो २४ घण्टामा एक सय ५३ जना निको भएसँगै कोरोना सङ्क्रमणमुक्त हुनेको सङ्ख्या दुई लाख ७४ हजार तीन सय १८ पुगेको स्वास्थ्य मन्त्रालयले जनाएको छ । थप पाँच जनाको ज्यान गएसँगै नेपालमा अहिलेसम्म कोरोना सङ्क्रमणबाट तीन हजार ५८ जनाले ज्यान गुमाएका छन् ।

अहिले नेपालमा ३६ सय आठ जना सक्रिय सङ्क्रमित छन् । सक्रिय सङ्क्रमितमध्ये ३३ जना आईसीयू र १३ जना भेन्टिलेटरमा उपचार गराइरहेका मन्त्रालयले जनाएको छ ।