औरहीकी उपाध्यक्ष यादवद्वारा जसपा परित्याग, काँग्रेसमा प्रवेश गर्ने तयारी

• चैत १८, २०७८ | ४०२ पटक पढिएको | सीमा संदेश

सिरहा । सिरहाको औरही गाउँपालिकाकी उपाध्यक्ष सिता कुमारी यादव जनता समाजवादी पार्टी (जसपा) परित्याग गरेकी छन् ।

स्थानीय तहको निर्वाचन नजिकिएसंगै उपाध्यक्ष यादवले जसपा परित्याग गरेकी हुन् । औरही गाँउपालिका ३ घर भएकी उनी विज्ञप्ती जारी गरेर साधारण सदस्य समेत नरहने गरी पार्टी परित्याग गरेको घोषणा गरेकी छन् ।

केन्द्रीय अध्यक्ष समक्ष निवेदन दिएपनि सुनवाई नभएको, जिल्ला अध्यक्षलाई दिएको निर्देशन पालना नभएको र पार्टी हित विपरित काम गर्नेलाई कारबाही नगरेको उनी जारी गरेको विज्ञप्तिमा उल्लेख छ ।

पार्टीमा व्यक्तिवादी हावी भएको, आफूमाथि अन्तर्घात गरेको, राम्रो कामको मुल्याकंन नगरेको र उल्टै अपमानित गर्ने जस्ता प्रवृत्तिले गर्दा पार्टी परित्याग गरेको पनि उनले भनेकी छन् ।

स्रोतका अनुसार उपाध्यक्ष यादव नेपाली कांग्रेसमा प्रवेश गर्न लागेकी हुन् । उनलाई प्रवेश गराउन औरही गाँउपालिका ३ मै नेपाली कांग्रेसले चैत्र २५ मा पार्टी प्रवेश कार्यक्रम राखेको छ ।