जातीय छुवाछुत गर्ने पालिका अध्यक्षद्वारा आत्मलोचना

• फागुन २६, २०७९ | ४९५ पटक पढिएको | सीमा संदेश

सिरहा, २६ फागुन । भगवानपुर गाउँपालिकाका अध्यक्ष उग्र नारायण यादवले उनको आमाको कृया भोजमा दलित तथा मुस्लिम समुदाय प्रति छुवाछुत गरेको प्रति आत्मलोचना गरेका छन् । आज २५ फागुन शुक्रबार गाउँपालिकाको कार्यालयमा एक पत्रकार सम्मेलनको आयोजना गरी अध्यक्ष यादवले विज्ञप्ती जारी गरेका छन् ।

उनले आफू र आफ्नो परिवार शोकमग्न भएको , दलितहरुको अपमान गर्ने उद्देश्य र मनसाय नभएको तर भोज व्यवस्थापनमा रहेका आफन्त तथा स्वजातीयहरुबाट दलितहरु अपमानित गर्ने कार्य अन्जानमा हुन गएको भन्ने विज्ञप्तीको पेटबोलीमा उल्लेख गरेका छन् । अध्यक्ष यादवले विज्ञप्तीको बोधार्थ मुस्लिम आयोग र राष्ट्रिय दलित आयोगलाई पनि दिएका छन् । उनले मानव अधिकार , छुवाछुत सम्बन्धी नेपालको संविधान २०७२ को व्यवस्था , अन्य प्रचलित नेपाल कानूनको व्यवस्था तथा अन्तर्राष्ट्रिय कानूनको व्यवस्था बारे आफू जानकार रहेको पनि उल्लेख गरेका छन् ।

माताको पुण्य तिथि र भोज नितान्त व्यक्तिगत घटना भए पनि अध्यक्ष यादवले भगवानपुर गाउँपालिकाको लेटरप्याड प्रयोग गरेर चलानी नं. समेत हालेर विज्ञप्ती जारी गरेका छन् । गोलबजारका दलित अधिकारकर्मी शिव कुमार महरा भन्छन् अध्यक्ष यादवले गाउँपालिकाको लेटरप्याड र चलानी नं. को दुरुपयोग गरेका छन् । उनले निजी भोजमा गरेको छुवाछुत प्रति गाउँपालिका जिम्मेवार छैन ।

त्यसैगरी अर्का अधिकारकर्मी संजय महरा भन्छन् यो माफी मागेर माफी पाइने विषय वा सामाजिक मिलापत्र गर्ने विषय होइन । अध्यक्ष यादवले कानूनी रुपमा अपराध गरेका छन् । ६० लाख नेपाली दलितको आत्मसम्मानमा चोट पु¥याएका छन् । यो घटनाको छानविन गरी प्रहरी प्रशासनले दोषीहरु उपर कानूनी कारवाही गर्नुपर्छ । कानूनी निरुपण गर्ने विषय र घटनालाई अन्यत्र मोड्न र भ्रम सृजन ागर्न पाइदैन ।