सिरहा नगरपालिका नगर स्तरीय छात्रा फुटवल प्रतियोगिताको फाइनल खेलमा च.मा.वि. विजयी

• जेठ २८, २०८० | ८४४ पटक पढिएको | सीमा संदेश

सिरहा, २८ जेष्ठ । सिरहा नगरपालिका नगर स्तरीय छात्रा फुटवल प्रतियोगिताको फाइनल खेलमा जनता माध्यमिक विद्यालय लक्षिमिनियाँलाई पराजित गर्दै चन्द्र माध्यमिक विद्यालय सिरहा फाइनल खेलमा विजयी भएको छ ।

सिरहा क्याम्पस खेल मैदानमा भएको खेलमा चन्द्र माध्यमिक विद्यालयका छात्राहरुले खेलको हाफ समयपछि एक गोल गर्न सफल भएको थियो भने जनता माध्यमिक विद्यालय लक्षमिनियाँले खेल समय अवधि भरी गोल फर्काउन नसकेपछि विजयी घोषण गरिउको थियो ।

खेलको म्यान अफ द मैच जनता माध्यमिक विद्यालय लक्षमिनियाँ छात्रा पुनम कुमारी यादब र म्यान अफ द टुनामेन्ट चन्द्र माध्यमिक विद्यालयको छात्रा लक्ष्मी कुमारी सिँह  भएका छिन् ।
खेल सिरहा नगरपालिकाको सहयोग र सलहेश युवा क्लव सिरहाको आयोजनामा संचालित गरिएको थियो ।

खेलका प्रथम विजयतालाई रु. १५ हजार नगद र ट्फी र दोस्रो उपविजयतालाई रु.१० हजार नगद र ट्फी पुरस्कार प्रदान गरिएको सलहेश युवा क्लवको अध्यक्ष राजिप कुमार यादबले बताए ।