“विद्यालय शिक्षा ऐन २०८०” को मस्यौदा सच्याउन भन्दै शिक्षा इकाइ सिरहामा ज्ञापन पत्र बुझायो

• साउन ३१, २०८० | ७७६ पटक पढिएको | बैधनाथ कुमार यादब

सिरहा, ३१ श्रावण । “विद्यालय शिक्षा ऐन २०८०” को मस्यौदा सच्याउन भन्दै शिक्षा विकास तथा समन्वय एकाई सिरहाका निमित इकाइ प्रमुख जायराम यादबलाई नेपाल शिक्षक ममहासङ्घमा आवद्ध पेसागत संघ सठनले ज्ञापन पत्र बुझाएका छन् ।

शिक्षा ऐनको केही दफाहरुमा संविधान प्रवत्त टे्ड युनियन अधिकार, शिक्षक कर्मचारीको पेसागत सुरक्षा र स्वाभिमानको खिलाफमा रहेको भन्दै ज्ञापन पत्र बुझाएको संघिय शिक्षक फोरम, सिरहाको जिल्ला अध्यक्ष काशिन्द्र प्रसाद यादबले बताए ।

यस मस्यौदामा नेपाल शिक्षक महासंघ र नेपाल सरकार, शिक्षा विज्ञान तथा प्रविधि मन्त्रालय बीच भएका ३० बँुदे र ५१ बुँदे सहमतीको  सबै बुँदाहरु उचित ढङ्गबाट समेटनु पर्ने र २०७५ साल र त्यसपछि स्थायी भएका शिक्षकलाई पुरानै प्रणालीमा पेन्सन दिनु पर्ने माग रहेको यादबले बताए ।

महासङ्घले देशव्यापी रुपमा साउन २८ गते देखि नै आन्दोलनमा छन् । तर सरकारले उक्त मागहरु संबोधन गर्नु चासो नदिईरहकोले आब संघले अझ शक्त रुपमै आन्दोलनका तयारी गरिरहेको विभिन्न संठनका अध्यक्षहरुले बताए ।

ज्ञापन पत्र बुझाउन शिक्षा विकास तथा समन्वय इकाइमा जिल्ला भरीका ४ सय भन्दा बढी शिक्षक उपस्ति रहेका थिए ।