नवराजपुरमा एक महिलाको शव भेटियो

• भदौ ३१, २०८० | ४९३ पटक पढिएको | सीमा संदेश

 नवराजपुर, ३१ भाद्र । सिरहाको नवराजपुर गाउँपालिकामा एक महिलाको शव फेला परेको छ । नवराजपुर गाउँपालिका-५ देवनगरकी २१ वर्षीया प्रेमदेवी यादवको शव शनिबार साँझ आफ्नै घरमा फेला परेको हो ।

शव फेला परेको खबर पाएलगत्तै इलाका प्रहरी कार्यालय पतारीका प्रहरी निरीक्षक गोविन्द लाल कर्णको कमाण्डमा प्रहरीको टोली घटनास्थलमा पुगेको थियो । घटनाको प्रकृति हेर्दा शंकास्पद रहेकाले घटना कसरी भयो भन्ने बारेमा अहिले नै भन्न नसकिने प्रहरी निरीक्षक कर्णले बताए ।

सिरहाको लक्ष्मीपुर पतारी गाउँपालिका-३ चनर यादवकी छोरी प्रेम कुमारी यादव र नवराजपुर गाउँपालिका-५ देवनगर टोलका बद्री यादवको छोरा सुरेश यादवबीच २०७९ फागुन २६ गते मागी विवाह भएको माइती पक्षले जनाएको छ । विवाहको एक वर्ष नबित्दै विभिन्न प्रकारको यातना दिँदै आएको भन्दै माइती पक्षले यो आत्महत्या नभइ हत्या भएको हुन सक्ने आरोप लगाएको छ ।

मृतकका श्रीमान रमेश यादव र जेठानी फरार रहेको प्रहरी निरीक्षक कर्णले बताए । मृतक यादवको शव पोस्टमार्टमक‍ा लागि बिपी कोइराला स्वास्थ्य विज्ञान प्रतिष्ठान धरान पठाइएको र घटनाबारे थप अनुसन्धान भइरहेको जिल्ला प्रहरी कार्यलय सिरहाले जनाएको छ ।