सिरहा नगर स्तरीय फूटबल प्रतियोगिताको सम्पूर्ण तयारी पूरा, उद्घाटन खेलमा रमौल र माडर बिच भिडन्त

• पुस २०, २०८० | ७०४ पटक पढिएको | सीमा संदेश

सिरहा, २० पौष । सिरहा नगरपालिकाको सहयोग र सलहेश युवा क्लव सिरहाको आयोजनमा पौष २१ गतेबाट संचालन हुने नगर स्तरीय फूतबल प्रतियोगिताको सम्पूर्ण तयारी पूरा भएको छ ।

"नगरको पहिचान युवाको समान र स्थानीय खेलाडी उत्पादन हाम्रो अभियान" मूल नाराका साथ आयोजना हुन लागेको नगर स्तरी फूटबल प्रतियोगिता माघ २ गते सम्म संचालन हुने सलहेश युवा क्लव सिरहाको अध्यक्ष राजिप यादबले बताए । 

फूटबल प्रतियोगितामा सिरहा नगरपालिकाको २२ वडा मध्ये १६ वडाका टिमले भाग लिएका छन । वडा स्तरीय भिडन्तलाई रोमाञ्चकारी बनाउन सुविधायुक्त तवरले खेल मैदान व्यवस्थापन गरिएको छ । प्रतियोगितको पहिलो दिन उद्घाटन खेल वडा नं. ४ रमौल र  वडा नं. १६ माडर बिच भिडन्त हुने छ । 

प्रतियोगितको फाइनल खेल विजयता वडालाई रु. ५० हजार नगद र दोस्रो विजयतालाई रु. २५ हजार नगद र ट्फी प्रदान गरिने क्लवका अध्यक्ष यादबले बताए ।