शहिद हेमनारायण गोल्डकप : भारतलाई पराजित गर्दै नेपाल विजयी

• फागुन २५, २०८० | ६४४ पटक पढिएको | सीमा संदेश

सिरहा, २५ फाल्गुन । सिरहाको क्याम्पस खेल मैदानमा जारी अन्तराष्ट्यि शहिद हेमनारायण यादब गोल्डकप फुटबल प्रतियोगिताको बिहीवारको खेलमा भारत बनारसलाई पराजित गर्दै नेपाल मकवानपुर विजयी भएको छ ।

 रोमाञ्चक खेलमा हेटौडा फुटबल एकेडमी मकवानपुर नेपालले भारतका माँ कमाख्या स्पोर्टस क्लब बनारासलाई २–१ गोल अन्तरले पराजित गरेका हो ।

नेपालका हेटौडाका जर्सी नं. २० का निरज ठकुरी र जर्सी नं. १० का दिवस श्रेष्ठले १÷१ गोल गरेका थिए । जवाफीमा भारत का बनारसले पेनाल्टिका सहयोगमा जर्सी नं. १६ का खेलाडी नोवीले एक गोल फर्काएका थिए ।

खेलका म्यान अफ द म्याच हेटौडाका दिवस श्रेष्ठ भएका छन् । आज हुने खेलमा दुधौली स्पोर्टस क्लब सिन्धुली र रारा फुटबल क्लव राजारानी धनकुटा बिच हुने छ ।