आलिया भट्टले किशोर कुमारलाई नचिनेपछि...

• मंसिर ११, २०८१ | ३०२ पटक पढिएको | सीमा संदेश

नयाँ दिल्ली । रणवीर कपूर यतिबेला बलिउडको सुपरस्टार हुन् । ‘एनिमल’ फिल्मबाट उनले नसोचेको सफलता पाए । रणवीर यतिबेला नितेश तिवारीको ‘रामायण’को तयारी गरिरहेका छन् । उनी हालै इन्टरनेशनल फिल्म फेष्टिवल अफ इन्डिया (आईएफएफआई)मा सहभागी हुन गोवा पुगेका थिए ।

जहाँ उनले चर्चित भारतीय निर्देशक सञ्जय लिला भन्सालीसँग फेरि काम गर्ने बताए । यस क्रममा उनले आफ्नो हजुरबुबा अभिनेता राव कपूर र छोरी राहाकोबारे पनि कुरा गरेका थिए । यसै क्रममा उनले पत्नी अभिनेत्री आलिया भट्टको एउटा कुरा पनि सुनाए । 

किशोर कुमार को हुन् ?
आलियासँग आफ्नो पहिलो पटक भेट हुँदा उनलाई किशोर कुमार को हुन् भन्ने नै थाहा थिएन । आलियाले रणवी्लाई ‘किशोर कुमार को हुन् ?’ भनेर सोधेकी थिइन् । उनको कुरा सुनेर आफूलाई ‘यो नै जीवन चक्र हो । मान्छेहरूले तपाईलाई बिर्सन्छन्’ भनेर भनेका थिए । आलियाको कुराले आफूलाई ‘हामीले आफ्नो जरालाई याद राख्नु पर्ने’ लागेको पनि उनले बताए । 

किशोर कुमार मात्रै होइन राज कपूर समेत गरेर कयौं दिग्गज फिल्म निर्माता, कलाकारहरू भएको र यी सबैलाई आफूहरूले सधैं स्मरण गर्नु पर्ने पनि उनको भनाइ छ । यो काम गरेकोमा आफू आईएफएफआईप्रति कृतज्ञ रहेको उनले बताए । रणवीर छिट्टै रामायण, लभ एन्ड वार, ब्रह्मास्त्र २ र ३ अनि एनिमल पार्कमा देखिदैंछन् 

आलियाले किशोर कुमारलाई नचिनेको  कुरा बाहिर आएपछि युजरले उनलाई ट्रोल गरिरहेका छन् । केही समयअघि आलियाले रणवीरबारे लिपस्टिकलाई लिएर बोलेको भिडियो भाइरल भएको थियो । 
रणबीरले आलियासँग यही भिडियोको बदला लिएको भनेर भनेका छन् । किशोर कुमारबारे आलियालाई थाहा नभएको सुनेपछि केही चाँहि छक्क परेका छन् ।

आलियाले पहिलो पटक रणवीरलाई भेट्दा उनी ९ वर्षको थिइन् । यो कुरा त्यतिबेलाको हुन सक्छ भन्नेहरू पनि छन् । रणवीर र आलियाबिच उमेर १० वर्षको अन्तर छ । आलियालाई यस्तो कुरामा ट्रोल गरिएको यो पहिलो पटक होइन् । करियरको शुरुआतमा आलिया करण जोहरको शो ‘कफी विथ करण’मा आएकी थिइन् । यसमा उनलाई भारतका राष्ट्रपतिको नाम सोधिएको थियो । तर आलियाले जवाफमा पृथ्वीराज चौहान भनिन् । वर्षौसम्म यसै कुरालाई लिएर आलिया ट्रोल भइरहिन् ।

भन्सालीसँग १७ वर्षपछि काम गर्न पाउँदा खुसी
भन्साली रणवीरको डेब्यू फिल्मका निर्देशक थिए । उनलाई अभिनेता ‘गडफादर’ पनि भन्छन् । आफूले अभिनयबारे जे जति सिकेको हो, सबै भन्सालीसँग सिकेको पनि उनले बताए । १७ वर्षपछि भन्सालीसँग फेरि काम गर्न पाउँदा अफू निकै खुसी रहेको रणबीरले भनेका छन् । ‘म उनको निके इज्जत गर्छु । उनी अहिलेसम्म पनि फेरिएका छैनन, अहिले पनि उनी उत्ति नै मेहनत गर्छन् । उनी सधैं आफ्नो फिल्मको बारेमा मात्रै सोच्छन् । मात्रै पात्रको बारेमा मात्रै कुरा गर्न चाहन्छन्.... त्यसैले म निकै उत्सुक छुँ ।’ उनले भने ।