इरानमा रहेका तीन न्युक्लियर साइटहरूमा अमेरिकी आक्रमण

• असार ८, २०८२ | ३९० पटक पढिएको | सीमा संदेश

अमेरिकाले इरानमा रहेका तीन न्युक्लियर साइटहरूमा आक्रमण गरेको छ । राष्ट्रपति डोनल्ड ट्रम्पले अमेरिकाले इरानको फोर्डो, नटान्ज र एस्फहानमा रहेका परमाणु केन्द्रहरूमा बम हमला गरेको पुष्टि गरेका छन् ।  इरानमा पूर्ण भारका बमहरू खसालेपछि अमेरिकी राष्ट्रपति ट्रम्पले भने, 'विश्वमा अर्को कुनै सेना यो गर्न सक्दैन ।'

उनले भने, 'हामीले इरानमा रहेका तीन न्युक्लियर साइटहरूमा हाम्रो धेरै सफल आक्रमण पूरा गरेका छौं, जसमा फोर्डो, नातान्ज र एस्फहान समावेश छन्। सबै विमानहरू हाल इरानको हवाई क्षेत्र बाहिर छन्। प्राथमिक साइट, फोर्डोमा पूर्ण भारको बमहरू खसालिएको छ। सबै विमानहरू सुरक्षित रूपमा घर फर्कने बाटोमा छन्। हाम्रा महान अमेरिकी योद्धाहरूलाई बधाई। विश्वमा अर्को कुनै सेना यो गर्न सक्दैन। अब शान्तिको समय हो !'

इरानका विदेशमन्त्री आवास अराघचीले इजरायल–इरान द्वन्द्वमा अमेरिकाको संलग्नता ‘खतरनाक’ हुने चेतावनी दिएका थिए । दुई देशबिचको युद्ध थप चर्किरहकै वेला विदेशमन्त्रीको चेतावनीलाई वेवास्ता गर्दै आज बिहान अमेरिकाले इरानमाथि बम हमला गरेको हो ।