इजरायली आक्रमणमा इरानी राष्ट्रपति घाइते

• असार ३०, २०८२ | २८८ पटक पढिएको | सीमा संदेश

इरानका राष्ट्रपति मासुद पेजेश्कियन इजरायलको आक्रमणमा सामान्य घाइते भएको खबर सार्वजनिक भएको छ।

इरानको सरकारी समाचार संस्था फार्सका अनुसार १६ जुनमा तेहरानस्थित गोप्य भूमिगत सुरक्षा बैठक स्थलमा इजरायली आक्रमण भएको थियो। बम विस्फोटका कारण राष्ट्रपति पेजेश्कियनको खुट्टामा चोट लागेको बताइएको छ।

उनी आपतकालीन सुरुङमार्फत बाहिर निस्किएको र अन्य नेतासमेत सुरक्षित स्थानमा पुगेको जनाइएको छ।

यसअघि इजरायलले आक्रमणमा सर्वोच्च नेता आयातोल्ला खामेनी पनि लक्षित रहेको बताएको थियो ।