उपचार गर्न आएकी सासूको ज्वाइँबाटै हत्या

• पुस १४, २०८२ | १०९ पटक पढिएको | सीमा संदेश

उपचार गराउन भोजपुरबाट इटहरी झरेकी पबीमाया बयलकोटीको ज्वाइँले हत्या गरेका छन् ।

मोरङको बाहुनी घर भएर इटहरीमा डेरा गरी बस्दै आएका गणेस साह गुप्ताले बयलकोटीको हत्या गरेका हुन् । बयलकोटी एक साताअघि उपचार गराउन भोजपुरको दिङ्लाबाट इटहरी आएकी थिइन् ।

श्रीमानसहित उपचारकालागि इटहरी आएकी बयलकोटी इटहरी जनता बस्तीमा घर भएकी अर्की छोरीको घरमा बस्दै आएकी थिइन् । सोमबार घर फर्किने तयारी भएकाले आइतबार साहको डेरामा पुगेकी थिइन् ।

घर फर्किने अघिल्लो राति नै ज्वाइँले पानी तान्ने ट्युबेलको हेण्डलले टाउकामा हानेर उनको हत्या गरेको इलाका प्रहरी कार्यालय इटहरीले जनाएको छ ।