सिरहा नगरपालिकाको कर्मचारी आन्दोलन स्थगित, काम फर्किए कर्मचारी

• चैत ३०, २०८२ | २९५ पटक पढिएको | सीमा संदेश

सिरहा । सिरहा नगरपालिकामा केही दिनदेखि जारी कर्मचारी आन्दोलन स्थगित भएको छ ।

आन्दोलनका कारण अवरुद्ध भएको सेवा प्रवाह आजदेखि पुनः सञ्चालनमा आएको नगरपालिकाले जनाएको छ ।

नयाँ सालका चाड पर्वको शान्ति सुरक्षा व्यवस्थापन र नगर प्रमुखलाई खोज तलाश गरी चाँडै पक्रउ गर्ने शर्तमा प्रमुख जिल्ला अधिकारीको अग्रहमा आन्दोलन स्थगित गरिएको कर्मचारीहरूका भनाई छन् ।

कार्यालय सहयोगीमाथि कुटपिट भएको आरोपपछि उत्पन्न विवादका कारण कर्मचारीहरूले आन्दोलन गर्दै आएका थिए ।

आन्दोलनका कारण नगरपालिकाको दैनिक कामकाज प्रभावित हुँदै आएको थियो भने सेवाग्राहीहरू पनि मारमा परेका थिए ।