‘वल्र्डलिंकको सेवामा ठगी’

• साउन ३१, २०८३ | ५४ पटक पढिएको | सीमा संदेश

गोलबजार । इन्टरनेट सेवाप्रदायक कम्पनी वल्र्डलिंक  कम्युनिकेसन प्रालिले सेवाको नाममा ठगी गरेको ग्राहकले आरोप लगाएका छन् ।

इन्टरनेट स्लो चल्ने, बेलाबेला बिग्रने तथा कम्पनीमा गुनासो टिपाउन झन्झट र गुनासो पटक पटक टिपाएपनि सेवा सुचारु नगरीदिने जस्ता समस्या बढदै गइरहेको गोलबजार नगरपालिकाका ग्राहक बताउँछन् । यसतर्फ कम्पनीले चासो नदेखाएको उनीहरूको आरोप छ ।

गोलबजार नगरपालिका–४, गुरुधाम चौकमा रहेको सीमा सन्देश दैनिक पत्रिकाको कार्यालय वल्र्डलिंकका ग्राहक रहेको छ । वल्र्डलिंकको सेवा सन्तोषजनक नभएको पत्रिकाका व्यवस्थापक धनजित कुमार यादब बताउँछन् ।

‘इन्टरनेट निकै स्लो चलेपछि हैरान छु,’ उनले भने, ‘यसबारे गुनासो टिपाउँदा वल्र्डलिंकका प्राविधिक समस्या भन्दै टार्ने गरेको छ ।’ दिनभरीमा तीन पटक गुनासो टिपाएपनि पत्रिका कार्यालयमा पनि प्राविधिक टोली नपठाएको व्यवस्थापक यादबले बताए ।

ग्राहकहरुले किनेको प्याकेज अनुसार पनि इन्टरनेट स्पिड नभएको र प्राविधिक सेवा समयमा नदिने गरेको गोलबजार नगरपालिकामा व्यपक आरोप छ।

वल्र्डलिंकका अर्का ग्राहक हुन्,  राम कुमार यादब । ६–७ महिनादेखि नेट टिभीसहितको इन्टरनेट सेवा लिइरहेका उनी वल्र्डलिंककको सेवा त्यति सन्तोषजनक नभएको बताउँछन् ।

‘इन्टरनेट चलाउँदा निकै डिस्टर्व छ,’ उनले भने, ‘यसबारे टेलिफोनबाट गुनासो दर्ता गराउन खोज्दा झन्डै पाँच–सात मिनेट नै होल्डमा बस्नुपर्यो र गुनासो टिपाएपनि प्राविधिक टोली आउन एक दिनसम्म समय लगाउने गरको छ।’

नेट बिग्रिएका बेला समयमा प्राविधिक नआउने गरेको ग्राहकले गुनासो गरेका छन् । ‘बिग्रिएको गुनासो गर्दा न समयमा प्राविधिक आउँछन् न त समयमा इन्टरनेट नै बन्छ,’ गोलबजारका अर्का ग्राहकले भने ।

यसबारे वल्र्डलिंकका कर्मचारीसँग कुरा गर्न खोज्दा उनीहरू सम्पर्कमै आउन चाहेनन् । बजार विस्तारका क्रममा अनेक स्किमहरू राखेर आकर्षित गर्ने वल्र्डलिंकले एक महिनापछि वास्ता गर्न छोड्छ । त्यति मात्र होइन, जति एमबिपिएसका लागि पैसा तिरेको हो, स्पिड टेस्टमार्फत् चेक गर्दा त्यो देखिँदैन । त्यसो त आफुखुसी स्किम चेन्ज गर्ने वल्र्डलिंकले सम्झौताअनुसारको सेवामा समेत झुक्याउँदै आएको छ। 

प्राविधिक समस्या आउनु स्वभाविकै हो । तर, दिनमै पाँच सात पटक फोन गर्नु र त्यसमा पनि उल्टै कहाँ, के, कहिले, कति, कसरी, कुनलगायत अनावश्यक प्रश्नहरूको हैरानी सेवाग्राहीका लागि अर्को टाउको दुःखाईको विषय बन्ने गरेको छ ।

यस विषयमा आधिकारिक अधिकारीलाई बुझ्न खोज्दा कस्टमर्स सर्भिस ९ग्राहक सेवा०मा बस्ने व्यक्तिहरूले दिन नमिल्ने भन्दै पन्छिने गरेका छन् ।

जसरी भएपनि ग्राहक बढाउँदै लैजाने र एक पटक जोडि सकेपछि सेवा प्रवाहलाई गुणस्तरीय बनाउने कुरामा पन्छिँदै आएको वल्र्डलिंकको अर्को टाउको दुखाउने विषय हो, एरिटेड लाग्दो अनौठो अंग्रेजी भाषा । समस्याको तत्काल समाधान गर्नेतर्फ भन्दा पनि रेकर्डेड रटानहरूले सेवाग्राहीहरूलाई थप एरिटेड बनाउने गरेको छ ।

यसो त अरु इन्टरनेट सेवाप्रदायक कम्पनीका ग्राहक पनि सेवाबाट सन्तुष्ट छैनन् । आफ्नो इन्टरनेट प्याकेजको स्पिडभन्दा निकै स्लो अपलोड र डाउलोड हुने गरेको उनीहरूको गुनासो छ।