‘सरकार गरिमालाई न्याय दे’ भन्दै गोलबजारमा प्रदर्शन,

• भदौ ६, २०८३ | १५६ पटक पढिएको | सीमा संदेश

बाराको जीतपुरसिमरा उपमहानगरपालिका–१ दशधुरेकी तीन वर्षीया बालिका गरिमा चौधरीको बलात्कारपछि हत्या भएको घटनाको विरोध गर्दै सिरहाको गोलबजारमा शुक्रबार युवाहरूले प्रदर्शन गरेका छन्।

इलाका प्रहरी कार्यालय गोलबजार अगाडिबाट सुरु भएको र्‍याली भूमिजा अस्पतालको गल्ली हुँदै गोलबजारको मुख्य चोक गोलपार्कमा पुगेर कोणसभामा परिणत भएको थियो। 

प्रदर्शनकारीहरूले हातमा ब्यानर तथा प्लेकार्ड बोकेर ‘गरिमा बहिनीलाई न्याय दे’, ‘बालेन सरकार न्याय दे’, ‘गृहमन्त्री न्याय दे’, ‘हत्यारालाई कारबाही गर’, ‘बलात्कारीलाई फाँसी दे’, ‘राजनीतिक सम्झौता चल्दैन’, ‘पीडित परिवारलाई न्याय दे’, ‘नारीमाथिको अन्याय बन्द गर’, ‘नारीमाथिको हिंसा सहँदैनौँ’ लगायतका नारा लगाएका थिए।