हप्ता भित्र दुई जनाको मृत्यु भएपछि डोम समुदाय त्रसित, गाउँ छोडी अन्तै पलायन

• भदौ ७, २०७७ | १,९०४ पटक पढिएको | बैधनाथ कुमार यादब

सिरहा । सिरहाको नवराजपुर गाउँपालिका वडा नं. ३ फूलवरीया गाउँको डोम समुदायमा एक हप्ता नवितिदै दुई जना युवकको मृत्यु भएपछि डोम समुदाय त्रसित भएको छ ।

मृत्यु भएका युवकहरुका कारण डराएका डोम समुदायले अन्धविश्वासमा परी धामी झाक्रीहरुलाई बोलाई पूजा पाट गर्न सुरु गरेपछि देवता रिसाएको भन्दै १३ घर परिवार रहेका डोम समुदायमा हाल ३ घर परिवार रहेको र अन्य १० परिवार आफ्ना नजिकका नता गोताका घर पलायन भएको सुनिल मलिकले बताए ।

समुदायमा केही नभएको राम्रो स्वास्थ्य अवस्था भएको २५ बर्षको रामउदगार मलिकको मृत्यु श्रावन ३२ गते भएको थियो । तर एक हप्ता नवितिदै फेरि स्वास्थ्य अवस्था राम्रो रहेको २७ बर्षको नागेन्द्र मलिकको मृत्यु भदौ ५ गते भएको कारण डोम समुदाय चिन्तित र त्रासित्र भएको बद्रि मलिकले बताए ।

रक्सी खाने गरेको मलिकहरुले मृत्यु भएका मलिकले पनि त्यो दिन रक्सी खाएर सुतेपछि मृत्यु भएको उनको घर परिवारले सुनाए । १५ दिन भित्रमा यस फूलवरिया गाउँमा रक्सी सेव गर्ने तिन जनाका मृत्यु भएको स्थानिय पूर्व शिक्षक कमल यादबले बताउनु भयो ।

तर डोम समुदायमा नता आएको भगवानपुर गाउँपालिका वडा नं. २ को बैउकु मलिक पनि नागेन्द्र मलिकसँग बसी रक्सी खाएको थियो र उनको मृत्यु पनि त्यही दिन भएको छ । मृत्यु भएसँगै फूलवरिया गाउँ नै शोकमगन भई त्रसित भएका छन । एकै ठाउँमा तिन जनाको मृत्यु भएपनि सरकारको तर्फबाट कुनै किसिमको चासो नहुन दुखद भएको शिक्षक यादबले गुनासो गरे ।

दुई जना डोम र एक जना यादबका मृत्यु भएपनि नेपाल सरकारको स्थानिय प्रशासन तथा कुनै सरोकारवाल निकाय घटना बारे कुनै चासो नदेखाउँदाँ स्थानियवासी झन त्रसित भएका छन ।

घटान बारेमा नवराजपुर गाउँपालिका अध्यक्ष विश्वमोहन प्रसाद यादबसँग बुझदाँ उहाँले भने, घटना भएको छ । तर घटना स्थानिय रुपमा उत्पादन गरेको रक्सीमा नाशालु टाईबले मिसाई खाएको कारण मृत्यु हुन पुगेको स्थानियवासीहरुले जानकारी दिईएका छन । 

कोरोना महामारीको कुनै लक्षण नजिक कसैलाई नभएको स्थानियले बताए । हाल गाउँपालिकामा भएको लकडाउन तथा शनिवारको विदा कारण स्वास्थ्य टोली पठाउन सकेको छैन । आईतवार विशेष टोली घटना स्थालमा पुगी घटना बारे विशेष जानकारी लिने यादबले सीमा संदेशलाई जानकारी दिनु भयो ।

घटान स्थालमा मृत्यु भएको परिवार शोका कुल भई चिन्ति भएको र समुदाय छोडी सबैले भागा भाग भएपछि झन त्रसित देखिएका छन । याता मृत्तक मलिकका सा- सान छोरा-छोरी रहेकोले क्रिया खर्च तथा परिवार व्यवस्थापन गर्न आर्थिक संकट पनि रहेका छन ।