कोरोनाबाट प्रदेश २ मा एकैदिन ७ जनाको मृत्यु, मृतक संख्या ८४ पुग्यो

• भदौ १३, २०७७ | ४७८ पटक पढिएको | सीमा संदेश

सिरहा । प्रदेश २ मा कोरोना भाइरसको संक्रमणबाट पछिल्लो २४ घण्टामा ७ जनाको मृत्यु भएको छ ।
पर्सामा ३, महोत्तरी र सिरहामा २/२ जना गरी ७ जनाको मृत्यु भएको समाजिक विकास मन्त्रालयका बरिष्ट चिकित्सक डा. कमलेश यादवले जानकारी दिए ।

उनका अनुसार पर्साको वीरगञ्ज महानगरपालिका १२ का ४८ वर्षीय पुरुष, ६५ वर्षीय महिला र पर्साकै मनियारीका ३७ वर्षीय पुरुष छन् ।

यस्तै महोत्तरीको भंगहा नगरपालिका १ का ३५ वर्षीय पुरुष र पिपरा गाउँपालिका ७ का ७० वर्षीय पुरुषको मृत्यु भएका छन् भने सिरहाको सुक्खीपुर नगरपालिका ८ का ५५ वर्षीय पुरुष र सिरहाकै लाहान नगरपालिका १८ का ४५ वर्षीय पुरुषको कोरोना संक्रमणबाट मृत्यु भएको मन्त्रालयले जनाएको छ । यो संगै प्रदेश २ मा कोरोनाबाट मृत्यु हुनेको सख्ंया ८४ पुगेको छ ।