सामाजिक सुरक्षा र मुख्य घटनादर्ता सम्बन्धी एक दिने अभिमुखिकरण कार्यक्रम सम्पन्

• भदौ ५, २०७८ | ८१० पटक पढिएको | बैधनाथ कुमार यादब

सिरहा, भदौ ५ गते । सिरहा नगरपालिकामा सामाजिक सुरक्षा कार्यक्रम कार्यन्वयन प्रणाली सवलीकरण परियोजना अन्तर्गत सामाजिक सुरक्षा र मुख्य घटनादर्ता सम्बन्धी एक दिने अभिमुखिकरण कार्यक्रम सम्पन भएको छ ।

सि.डबलु.आई.एस.एच, सेभद चिल्ड्रन, युनिसेफ र नेपाल सरकारको संयुक्त सहकार्यमा अभिमुखिकरण कार्यक्रम आयोजना गरिएको थियो । उक्त कार्यक्रममा सिरहा नगरपालिका २२ वटा वडाका वाडाअध्यक्ष र सचिवहरुका सहभागिता रहेको थियो ।

कार्यक्रमको उद्घाटन सत्रमा सिरहा नगरपालिका मेयर असेश्वर प्रसाद यादबले अभिमुखिकरण कार्यक्रमलाई उद्घाटन गर्दै भने, सिरहा नगरपालिकाका कुनै पनि जनता सामाजिक सुरक्षा कार्यक्रमबाट बञ्चित हुनु हुदैन् । यसका लागि वडाका वडाअध्यक्षहरुले जनताका समस्यालाई सामाधान गरी सामाजिक सुरक्षा कार्यक्रममा पहुँच गराउन भुमिका आजैबाट खेल्नु पर्छ । यदि तत्कालै कुनै जनतालाई समस्या भए म स्वंय सहयोग गर्न तयार रहेको यादबले बताउनु भयो ।

सिरहा नगरपालिका विकाउन्मुख भएको कारण यहाँ जनता समक्ष विभिन्न समस्याहरु रहेका छन् । सामाजिक सुरक्षा कार्यक्रममा सहभगिताका लागि समयमा जन्मदर्ता, मृत्युदर्ता तथा बसाईसराई नगराउनु हो । अशिक्षाका कारण यहाँ बहुविवाह, बालविवाह र सम्बन्ध विच्छेदका घटनाका कारण घटनादर्तामा कानूनी जटिलताका रुपमा आउने गर्दछ । यसका लागि जनप्रतिनिधिहरु सामाधान खोज्नु पर्ने आवश्यकता रहेको नगरपालिका प्रशासकीय प्रमुख बलिराम यादबले बताउनु भयो ।

नेपाल सरकारले सामाजिक सुरक्षा भताका लागि पठाउनु पर्ने आवश्यक रकम समयमा नआउँद पनि यहाँका जनतालाई असहजता भईरहेकोले सरकारलाई यस्ता सामस्या समयमै सामाधान गर्नु पर्ने छ । सरकारले पूर्ण आपङ्ग तथा आंशिक आपङ्ग भएका प्रति थप उदार भई सामाजिक सुरक्षा भता व्यवस्थापन गर्नु पर्ने आवश्यकता रहेको यादबले जोड दिनु भयो ।
 
सामाजिक सुरक्षासँग जनतालाई सहज रुपमा जोडन तथा सेवालाई थप प्रभाकारी बनाउन नगरपालिकाले कोभिड वेला सवारी साधन व्यवस्थापन गरी लाभग्रहीलाई सहयोग गरेका थियो । जनतालाई भईरहेको बैँकिंग असहजतालाई पनि सहज बनाउन बैँकहरुलाई यादबले कार्यक्रमबाटै निर्देशन दिनु भयो ।

अभिमुखिकरण कार्यक्रममा उठेका जन्मदर्ता, मृत्युदर्ता, बसाईसराई, सम्बन्ध विच्छेद र बहुविवाह जस्ता विषय सम्बन्धी सामस्या बारे राष्ट्यि परिचयपत्र तथा पञ्जिकरण विभागका संचार अधिकृत सरस्वती भट्टराईले सहजिकरण गरेका थिइन् ।