बालुवामा पुरेको अवस्थामा ८ क्विन्टल गाँजा बरामद

• पुस १५, २०७९ | ५३२ पटक पढिएको | सीमा संदेश

सिरहा, १५ पुष ।  सप्तरी प्रहरीले बालुवामा खाल्डो खनि पुरेको अवस्थामा ठूलो परिमाणमा लागूऔषध गाँजा बरामद गरेको छ ।

हनुमाननगर कंकालिनी नगरपालिका १ स्थित कोशी ब्यारेजको गोल घर देखी करिब ५ सय मिटर उत्तर पुर्व कोशी भंगालको पुर्व टापुको एकान्त ठाउँ बालुवामा खाल्टो खनि पुरीएको अवस्थामा ८ क्विन्टल गाँजा बरामद भएको सप्तरीका प्रहरी प्रमुख प्रहरी उपरीक्षक अबि नारायण काफ्लेले जानकारी दिए ।

खाल्डोमा ठूलो मात्रामा गाँजा राखेको सूचानाको आधारमा जिल्ला प्रहरी कार्यालयबाट खटेको प्रहरी टोलीले बालुवा भित्र खनि हेर्दा १ ठाउँमा १२ बोरा, दोश्रो ठाउँमा ९ बोरा र तेश्रो ठाउँमा ६ बोरा गरी जम्मा २७ वटा बोरागरि ८ क्विन्टल १० केजी गाँजा बरामद गरेको प्रहरी उपरीक्षक काफ्लेले बताए ।

यस सम्बन्धमा थप अनुसन्धान भइरहेको प्रहरीले जनाएका छन् ।