मालपोतका नायब सुब्बा र खरिदार डेढ लाख घुससहित नियन्त्रणमा

• असोज १२, २०८० | ३०७ पटक पढिएको | सीमा संदेश

काठमाडौं । अख्तियार दुरुपयोग अनुसन्धान आयोगले सुनसरीको इनरुवास्थित भूमिसुधार तथा मालपोत कार्यालयका नायब सुब्बा सुदिप कटुवाल र खरिदार रमेश अधिकारीलाई घुस रकमसहित नियन्त्रणमा लिएको छ । 

आयोगको इटहरीस्थित कार्यालयबाट खटिएको टोलीले उनीहरूलाई सेवाग्राहीसँग एक लाख ५० हजार रुपैयाँ घुस लिइसकेको अवस्थामा शुक्रबार नियन्त्रणमा लिएको हो । 

घुस रकमसहित उनीहरूलाई इनरुवा नगरपालिका–३, मालपोत चोकबाट नियन्त्रणमा लिइएको अख्तियारले शुक्रबार जारी गरेको विज्ञप्तिमा जनाइएको छ । 

जग्गा नामसारी गरेवापत कटुवाल र अधिकारीले सेवाग्राहीसँग घुस लिएको अख्तियारले बताएको छ । उनीहरूमाथि थप अनुसन्धान भइरहेको छ ।