घुससहित पक्राउ परेका वडाध्यक्ष र सचिव दोषी ठहर

• पुस १६, २०८० | ४५६ पटक पढिएको | सीमा संदेश

घुससहित पक्राउ परेका नगराइन नगरपालिकाका वडाध्यक्ष र वडासचिवलाई कैद सजाय गरिएको छ ।

धनुषाको नगराइन नगरपालिका वडा नम्बर २ का वडाअध्यक्ष वुलन यादव र सोही वडाका वडा सचिव अमृत नारायण मिश्रलाई भ्रष्टाचार मुद्दामा दोषी ठहर गरिएको छ । सडक निर्माणको कार्य सम्पन्न पश्चात भुक्तानीको लागि पूर्वाधार विकास कार्यालय, धनुषालाई सिफारिस गरी दिएवापत सेवाग्राहीसँग उनीहरुले ७० हजार रुपैयाँ घुस लिएका थिए ।

अख्तियार दुरुपयोग अनुसन्धान आयोगको टोलीले गत जेठमा उनीहरूलाई घुससहित रंगेहात पक्राउ गरेको थियो । विशेष अदालतले दुवैलाई दोषी ठहर गरेको छ । ७० हजार घुसको मुद्दामा चार देखि ६ महिनासम्म कैद सजाय हुने कानुनी प्रावधान छ ।