भारतबाट आएको नेपालीका दशगजा वास "आफ्नै नागरिक असुरक्षित भएपछि पिडा त हुन्छ ः स्थानियतहको सरकार"

• वैशाख ३१, २०७७ | ४११ पटक पढिएको |

भारतबाट आएको नेपाली नागरिक दशगजा क्षेत्रमा असुरक्षि वास बसेका छन । दशगजाबाट टुलु टुलु हेर्दै आफ्नो गाउँ तथा मान्छे पनि विरानो जस्तो अनुभुति गरिरहेका छन । नेपाल सरकारले विदेशबाट आएकाहरुलाई नभित्रियाउन निर्देशनका कारण दशगजामा असुरक्षित वास बसेका छन ।
सिरहा नगरपालिकले भारतबाट आएका ४६ जना नेपालीलाई दशगजा क्षेत्रमा वास बस्न सम्पूर्ण व्यवस्था मिलाएको छ । जस मध्ये सिरहा नगरपालिकाको १४ जना, धनगडीमाई नगरपालिकाको १६ जना, लहान नगरपालिकाको २ जना, औरही गाउँपालिकाको १ जना, कल्यानपुर नगरपालिकाको १ जना, विष्णुपुर गाउँपालिकाको १ जना गरी कर्णली प्रदेशको अठविसकोट नगरपालिकाको ७ जना र नलगडा नगरपालिकाको १ जना रहेका छन । ।
दशगजा क्षेत्रको खण्डरमा आफ्नै दाजुभाईलाई असुरक्षित रुपमा राख्नु पर्दा मन दुःखी हुन्छ । तर नेपाल सरकारको निर्णयलाई पालन गरी नगरिकलाई बचाउनु पर्ने कर्तव्य पनि भएकोले चुनौती पूर्ण रुपमा कार्य गरिरहेको सिरहा नगरपालिका प्रशासकिय प्रमुख बलिराम यादबले बताउनु भयो । हावाहुरी र गर्मिको समय रहेकोले दशगजा क्षेत्र धेरै नै असुरक्षित छ । यस क्षेत्रमा हावाहुरी र सर्पको ठुलो चुनौती रहेको छ । वास बसेका आफ्नै दाजुभाईलाई खाना र पानी दिन कसैले मानि रहेका छैन । सम्पूर्ण व्यवस्थापन गर्न स्थानियतहको सरकारलाई ठुलो चुनौती रहेको छ । नेपाल सरकारले यो विषयलाई समयमा सामाधान नगरे कोरोना भइरस भन्दा अन्य कारणले धेरै नागरिकका ज्यान जान सक्छ । यसका लागि सबैले समयमै सचेत हुन जरुरी रहेको यादबले बताउनु भयो ।
त्यसैगरी औरही गाउँपालिकामा पनि अफ्नो छोरा छोरी दशगजा क्षेत्रमा पिडित भएको भन्दै गाली सुन्नु परिरहेको अध्यक्ष सिद्धर्थ यादबले बताउनु भयो । हाल औरही गाउपालिकाको दशगजा क्षेत्रको विभिन्न ठाउँमा ७ जनालाई किरपाल मुनि राखिएको छ । सरकारले यस विषयलाई गम्भिरताका साथ नलिए हाम्रो लागि मात्र नभई सबैका लागि चुनौती पूर्ण हुनेछ । कम्तिमा भारतबाट आएको नेपाली नागरिकलाई स्थानियतहको क्वराइन्टाइनमा राख्न सक्ने व्यवस्थाका साथ निर्णय लिनु पर्ने जरुरी रहेको यादबले बताउनु भयो ।
स्थानियतहको सरकारले भारतबाट आएका नेपालीहरुलाई क्वराइन्टाइनमा राख्ने विषयमा कुरा गर्दा जिल्ला अधिकारीले त्यस्ता निर्णय सरकारको नरहेको बताएको कारण दशगजा क्षेत्रमा राख्नु परको स्थानियतहको सरकारले जानकारी दिनु भयो ।