सिरहाको सखुवान्नकारकट्टी गापाको मौवाही लतियाही सिल "स्थानियवासी त्रसित, आइतवार देखि शंकस्पद व्यक्तिहरुका परिक्षणको तयारी हुदैँ"

• जेठ ३, २०७७ | ४७७ पटक पढिएको |

सिरहाको प्रथम कोरोना भाइरस संक्रमित भेटिएको सखुवान्नकारकट्टी गाउँपालिका वडा नं. १ मौवाही लतियाही गाउँ सिल गरिएको छ । गाउँबाट बाहिर ननिष्कन, भिरभार नर्गन र आफ्नै घरमा बस्न सूचना जारी गरिएको छ ।

नेपाल प्रहरीको सुरक्षा घेरमा भित्र स्थानियवासीलाई राखिएको छ । त्रासपूर्ण अवस्थामा रहेका स्थानियवासीहरुलाई सल्लाह सुझावका लागि गाउँपालिकाबाट स्वास्थ्यकर्मीसहितको हेल्प डेक्स व्यवस्थापन गरिएको गाउँपालिका अध्यक्ष केदार यादबले बताउनु भयो ।

फाल्गुन २८ गते मलेसियाबाट आएको संक्रमित व्यक्ति कहाँबाट संक्रमित भयो र ६६ दिनमा कति जनालाई संक्रमित बनाएको छ भने चिन्तको विषय भएको छ । संक्रमित व्यक्रिको ६ जना परिवार संख्या रहेका छन भने संयुक्त परिवारमा २२ जना रहेका छन । विदेशबाट आएपछि बरियारपट्टी गाउँपालिक रहेको ससुरालीमा गई एक दिन बसेको थियो । लामो समयमा धेरैसँग भेटघाट गरकोले परिक्षण गर्न जटिलो हुनेछ । स्थानियवासीका त्रासलाई ध्यानमा राखि आइतवार देखी परिक्षण सुरु गर्ने तयारी भईरहेको अध्यक्ष यादबले बताए ।

संक्रमितलाई सुरक्षित साथ धनगडीमाई नगरपालिकाको महेन्द्र गेनाई अस्पतालमा ल्याइएको छ । लक्षण नदेखिएको र घरपरिवाको शारिरीक कमजोर भएकामा पनि केही नदेखिएकोले विशेष अनुसन्धान हनु पर्ने स्थानियहरुका माग रहेको छ ।