सिरहामा २ सय १९ जनाको स्वाब संकलन, किटको अभाव

• जेठ ६, २०७७ | २७० पटक पढिएको |

सिरहाको छ वटा स्थानियतहको क्वारेन्टाइनमा २ सय १९ जनाको पिसिआर परिक्षणका लागि स्वाब संकलन गरेको छ । जिल्ला भित्र कोरोना भाइरस संक्रमण भेटिपछि परिक्षण कार्यालाई तिब्र रुपमा अगाडी बढाएको हो ।
हाल सम्म सिरहा नगरपालिकाको क्वारेन्टाइनमा ५२ जना, बरियारपट्टी गाउँपालिकामा ३० जना, भगवानपुर गाउँपालिकामा २२ जना, नवराजपुर गाउँपालिकामा ३२ जना, सखुवान्नकारकट्टी गाउँपालिकामा ७० जना र चोहर्वा क्याम्पमा १३ जना गरी कुला २१९ जनाको स्वाब संकलन गरीएको सिरहा स्वास्थ्य कार्यालय प्रमुख कृष्णदेव यादबले बताउनु भयो ।

स्थानियतहको क्वारेन्टाइनमा भारतबाट आएको नेपालीहरुका चाप बढी रहेको छ । क्वारेन्टाइन बसेकाहरुलाई परिक्षणका लागि स्थानियतहहरुले दबाब श्रृजना पनि गरिरहेको छ । तर जिल्लामा पिसिआर भिटिएम किट र अरडिटी परिक्षण किट अभाव रहेको छ । अब हामीसँग जम्मा २५ वटा भिटिएम किट मात्र रहेको छ भने अरडिटी किट एउटा पनि नरहेको यादबले जानकारी दिनु भयो ।

बैशाखमा भएको परिक्षण मध्ये ७ जनाको रिर्पोट आउन बाँकी रहेको छ । किट नआए सम्म जिल्ला भरी जाँच कार्या अवरोध हुनेछ सम्भावन देखिएको छ ।