मारुती सिमेन्टको प्लान्टबाट खसेर एक जना मजदुरको मृत्यु

• जेठ २५, २०७७ | ३०९ पटक पढिएको | सीमा संदेश

सिरहा । सिराहाको चोहर्वामा रहेको मारुती सिमेन्टमा नयाँ बन्दै गरेको प्लान्टबाट खसेर एकजना मजदुरको मृत्यु भएको छ ।

मारुती सिमेन्टको नयाँ बन्दै गरेको प्लान्टको निर्माणाधीन संरचनामा काम गरिरहेका भारतको गुवाहाटीका महर अलीको लडेर मृत्यु भएको प्रहरीले जनाएको छ ।

४० फिट अग्लो नयाँ प्लान्टको प्रि–हिटरबाट खसेर गम्भीर घाइते भएका अलीको कर्जन्हाको फुलकुमारी मेमोरियल अस्पतालमा उपचारको क्रममा मृत्यु भएको इलाका प्रहरी कार्यालय मिर्चैयाले जनाएको छ ।