४० यात्रु बोकेको टिपर कर्णालीमा खस्यो, २ जनाको शव फेला

• जेठ २८, २०७७ | १९९ पटक पढिएको | सीमा संदेश

सिरहा । भारतबाट आएका ५० जना यात्रु बोकेर क्वारेन्टिनमा जाँदै गरेको टिपर कर्णाली नदीमा खसेको छ ।  घटना स्थलमा २ जनाको शव फेला फेला परेको छ भने ३० जना भन्दा बढी हराईरहेको अनुमान गरिएको छ ।

कालीकोटमा जिते बजारबाट यात्रु लिएर हिडेको टिपरले उनीहरुलाई रासकोट नगरपालिकाको क्वारेन्टाइनमा लाँदै थियो।

कर्णाली करिडोर अन्तर्गत लालिगा भीरबाट टिपर नदीमा खसेको हो । केही यात्रु हाम फालेर नदीमा खसेका थिए । उनीहरुलाई नदीबाट निकालिएको छ ।

नेपाली सेना, नेपाल प्रहरी र सशस्त्र प्रहरी घटनास्थलमा पुगिसकेको र उद्दार कार्य भइरहेको सीडीओ गैरेले बताए । उनले भने, ‘घटना भएको ठाउँमा फोनले काम नगर्ने रहेछ । त्यसैले दुर्घटनाको विस्तृत विवरण आउन समय लाग्छ ।’