सिरहामा थप ६ जना कोरोना जितेर घर फर्किए, निको हुनेको संख्या २६ पुग्यो

• असार २, २०७७ | ५७१ पटक पढिएको | बैधनाथ कुमार यादब

सिराहा । धनगढी नगरपालिका– ११ महेन्द्र गेनाई अस्थायी कोरोना अस्पताल (आइसोलेसन) बाट ६ जना निको भएर घर फर्किएका छन् । सिराहाको लहान नगरपालिकाका चारजना, धनगढीमाई नगरपालिका र कल्याणपुर नगरपालिकाका १–१ जना कोरोना जितेर मंगलबार घर फर्किएको आइसोलेसन इन्चार्ज डा. सुभाषचन्द्र मण्डलले बताए । 

लहान नगरपालिकाका चारजना र कल्याणपुर नगरपालिकाका एकजनामा  जेठ १७ गते स्वाब संकलनको रिपाेर्ट कोरोना भएको पुष्टि भएको थियो । यस्तै धनगढीमाई नगरपालिकाकालाई जेठ २१ गतेको रिपाेर्टमा कोरोना भएको पुष्टि भएपछि महेन्द्र गेनाई आइसोलेसन वार्डमा राखिएको डा. मण्डलले बताए ।

कोरोना जितेर घर फर्किएका उनीहरू भारतको विभिन्न सहरबाट फर्किएर क्वारेन्टाइनमा बसेका थिए । कोरोना जितेका २० जनालाई यसअघि आइसोलेसन वार्डबाट जेठ १७ मा घर पठाइएको थियो । यसैगरी निको हुनेको कुल संख्या २६ पुगेको छ ।

अब जिल्ला अस्पताल सिराहा र महेन्द्र गेनाई अस्पतालको आइसोलेसनमा ५३ जना संक्रमित छन् ।