सिरहा नगरपालिकाको एकै ठाउँमा महिना दिन भित्र तिन पसलमा लगतार चोरी

• असार २४, २०७७ | ३९९ पटक पढिएको | बैधनाथ कुमार यादब

सिरहा । सिरहामा विगत केही दिन देखि चोरीको घटना वृद्धि भएको छ । सिरहा नगरपालिकाको एकै ठाउँमा महिना दिन भित्रमा तिनवटा पसलमा चोरी भएको छ । 

मंगलवार राती सिरहा नगरपालिका वडा नं. ११ स्थित दयाल मोटर पार्टसको पसलमा सट्र फोडी अन्दाजी २ लाख ५० हजार बरावरको मोटर पार्टसहरु चोरी भएको पसल धनी मुखलाल दासले बताउनु भयो ।

 यस्तै केही दिन अगाडी पनि सिरहा नगरपालिका वडा नंं. ११ कै दुई वटा मोवाईल मर्मत पसलमा सट्र फोडी करीब १० लाख भन्दा बढी मोल बरावरका सामानाहरु चोरी भएको पसल धनिहरुले बताएका छन्।

लकडाउन जती जती खुकुलो बन्दै जाँदा सिरहा नगरपालिका लगायतका स्थानहरुमा चोरी लगायतको अपराधको घटनामा वृद्धि भएकोछ । चोरीको घटना वृद्धिसँगै व्यपारीहरु त्रसित भएका छन् ।

यता सिरहा नगरपालिकामा लकडाउन वेला देखि लागू औषध सेवनकर्ताहरुको विगविगी वढदै गएकोछ । दुर्वेसनी नियन्त्रण तथा चोरी लगायत अपराध नियन्त्रण गर्ने सिरहा लगायतका स्थानमा प्रहरी गस्ती वढाएपनि घटनामा कमी आएको छैन् ।