मानसिक रोगी महिलालाई बलात्कार गर्ने मण्डल पक्राउ

• असार २७, २०७७ | १,११७ पटक पढिएको | सीमा संदेश

जनकपुरधाम । धनुषामा मानसिक रोगी महिलालाई बलात्कार गरेको आरोपमा एक युवकलाइ प्रहरीले पक्राउ गरेको छ । धनुषाको विदेह नगरपालिका-४ तीनकौरियामा बलात्कार गरेको आरोपमा प्रहरीले शहिदनगर नगरपालिका-६ का ३० वर्षीय भागवती मण्डललाई पक्राउ गरेको हो ।

स्थानीय दुर्गामन्दिरमा सुतिरहेकी ३५ वर्षीया ती महिलालाई शनिबार बिहान ३ बजे अभियुक्त मण्डलले बलात्कार गरेको प्रहरीले जानकारी दिएको छ । पक्राउ परेका मण्डलले गल्ति स्वीकार गरिसकेको हो ।

पीडित महिला मानसिक रोगी भएकाले एक सामाजिक संस्थाको अगुवाईमा प्रहरीले उजुरी दर्ता गरेको छ । पीडित महिलाको प्रादेशिक अस्पताल जनकपुरमा स्वास्थ्य परीक्षण भइरहेको जिल्ला प्रहरी कार्यालय धनुषाका प्रहरी उपरीक्षक रमेशकुमार बस्नेतले जानकारी दिए ।