सप्तरीको गोबरगाढा ‘टापु’मा कोसीको बाढी पस्दा ५ सय घरपरिवार डुबानमा

• असार २८, २०७७ | २७९ पटक पढिएको | सीमा संदेश

सप्तरी । अविरल वर्षाले सप्तकोसी नदीमा पानीको बहाव बढेसँगै कोसीको मध्य भागमा रहेको सप्तरीको हनुमाननगर कंकालिनी नगरपालिका-१३ गोबरगाढा गाउँ डुबानमा परेको छ । चारैतिरबाट कोसी नदीले घेरिएकोले टापु भनेर चिनिने गाउँ बाढी पसेपछि जलमग्न भएको हो ।

अविरल वर्षका कारणले वडाअध्यक्ष सहित झन्डै ५ सय जना डुबानमा परेकाे हनुमाननगर कंकालिनी नगरपालिका गोबरगाढाका वडाअध्यक्ष बिन्देश्वरि यादवले जानकारी दिनुभयाे ।

उहाँका अनुसार गाेबरगाढाका करिब एक सयभन्दा बढी घरघरधुरीका झण्डै ५ सय जना रहेका पानिमा फसेका छन् । चारैतिरबाट कोसी नदीको बाढीले घेरिएपछि सर्वसाधारण संकटमा परेको वडाध्यक्ष यादवले बताउनुभयो ।

तीन दिनदेखि लगातार भइरहेकाे वर्षाका कारणले घरघरमा २/३ फिटसम्म पानी पसेको र बस्तीको चारैतिर कोसी नदीको बाढीले घेरिएका कारण निस्कन सक्ने अवस्था नरहेको वडाध्यक्ष यादवको भनाइ छ । बस्तीका सर्वसाधारणलाई ओहोरदोहोर गर्न यसअघि नै डुंगाको व्यवस्था गरिए पनि स्थानीयहरु टापुबाट बाहिरिएका थिएनन् । शुक्रबार रातिदेखि घर–घरमा पानी पसेपछि गोबरगाढाको जनजीवन निकै नै प्रभावित भएको वडाध्यक्ष यादवले जानकारी दिनुभयाे ।

यता नगरपालिकाका मेयर शैलेशकुमार साहले गोबरगाढा टापुमा फसेकाहरुलाई त्यहावाट निकाल्ने तयारी तथा उनिहरुलाइ खाना तथा राहतकाे व्यवस्था भइरहेको बताउनुभयाे ।

यता उक्त सम्बन्धमा सप्तरीका प्रमुख जिल्ला अधिकारी शंकरहरि अधिकारीले गोबरगाढाका स्थानीयबासिहरुलाई निकालेर विघालयमा राखि त्यहि खानपिनकाे तत्काल व्यवस्था मिलाइरहेको बताउनुभयाे । पानिका कारणले बाढीमा फसेका सर्वसाधारणहरुका लागि काेराेना भाइरसकाे बेला प्रदेश सरकारले उपलब्ध गराएकाे राहतले बाढीमा फसेकाहरुलाई गाेबरगाढामा रहेका विद्यालयमा खानाकाे व्यवस्था गरिएको वडाअध्यक्ष यादवले जानकारी दिनुभयाे ।

लगातारकाे वर्षापछि पानी बढेपछि सर्वसाधारणलाई उदार गरि गाउँकै विघालयमा खान र बस्ने व्यवस्था मिलाएकाे वडाअध्यक्षले बताउनुभयाे । अहिले साे बाढिमा वडाअध्यक्ष सहित झण्डै ५ सय जना बाढिमा फसेका छन । यस्तै लगातारकाे वर्षाले बाढी आउँदा झण्डै डेढ सय गाई,भेसि तथा पशु चाेपाया समेत पानिमा भासिएकाे वडाध्यक्ष यादवले टुडेपाटीलाई बताउनुभयो ।