सिरहाको विभिन्न ठाउँबाट लागू औषधसहित २ जना पक्राउ

• असार २९, २०७७ | ५८१ पटक पढिएको | सीमा संदेश

सिरहा । सिरहाको विभिन्न ठाउँबाट लागू औषधसहित दुई जनालाई प्रहरीले पक्राउ गरेको छ ।

सिरहाको लहान नगरपालिका वडा नं. १ राष्टिय बाणिज्य बैंक अगाडी लोकमार्गमा पूर्वबाट पश्चिम तर्फ जादै गरेको ON TEST १६० सि.सि. को अपाचे मोटरसाईकललाई ईलाका प्रहरी कार्यालय लहानवाट खटिएको सादा पोशाकको टोलीले चेकजाँच गर्ने क्रममा मोटरसाईकल चालक नवराजपुर गाउँपालिका ४ बस्ने वर्ष २० को रामपुकार शर्माको साथवाट लागू औषध बरामद गरी पक्राउ गरेको छ । उनको साथबाट डाइजिल्याब ४६ एम्पुल, फेनारागन ४७ एम्पुल, नोफिन ४६ एम्पुल गरी जम्मा १३९ एम्पुल र गक्त बरामद गरीएको छ ।

त्यसैगरी सिरहा बरियारपट्टी गाउँपालिका वडा नं. ३ बरियारपट्टी बजार स्थितमा ईलाका प्रहरी कार्यालय बरियारपट्टीवाट खटिएको सादा पोशाकको टोलिले शंका लागी पैदल यात्रीलाई चेकजाँच गर्ने क्रममा बरियारपट्टी गाउँपालिका वडा नं. २ श्रीपुर बस्ने बर्ष २० को चन्दन कुमार यादबको साथबाट लागू औषध फेलापारी पक्राउ गरेको छ ।  उनको साथबाट अल्प्राजोल्याम ट्याबलेट १८०० पिस ९३० पत्ता० र पेन्टाजोसाईन २८६ एम्पुल फेला परेको छ ।

दुवै जनालाई नियन्त्रणमा लिई जिल्ला प्रहरी कार्यालय, सिरहामा ल्याई थप अनुसन्धान कार्य भईरहेको जिल्ला प्रहरी कार्यालय सिरहाले जानकारी दिईएको छ ।