सिरहाको गगंना नदीमा उच्च बहावका कारण कट्टान सुरु, औरही गापा डुवानमा

• असार २९, २०७७ | ३९१ पटक पढिएको | सीमा संदेश

सिरहा । सिरहाको गगंन नदीमा बाढीको कारण तटबन्ध कट्टन सुरु गरेपछि औरही गाउँपालिकाको सम्पूर्ण वडा डुवानको जोखिममा परेको छ ।

आज बिहान आएको २.५ मिटरको बाढीले औरही गाउँपालिका वडा नं. २ तुलसीपुरमा ३० मिटर र १० मिटरको जाली बिना सिँचाइ कार्यालय सिरहाले निर्माण गरेका बाँधमा कट्टन सुरु गरेको स्थानिय राजेन्द्र साहले बताउनु भयो । हालसम्म २० मिटर कट्टन भईसेको र पानीको बहाव उच्च रहेकोले गाउँपालिकाका सबै वडा डुवान हुने सम्भावन रहेको साहले बताए ।

यता बाढी खतरा लेवलमा रहेको जानकारी स्थानियवासीहरुलाई दिईसकेको एसिमोडको सूचना प्रणाली यन्त्रणका केयर टेकर मनोज सिँहले बताए । वर्षा रोकेपछि पानीको मात्र घटन सुरु भएको पनि जानकारी सिँहले दिईएको छ ।