सिरहामा श्रोत नखुलेको २० लाख रुपैयाँसहित ठाकुर पक्राउ

• साउन ८, २०७७ | ८९३ पटक पढिएको | सीमा संदेश

सिरहा । सशस्त्र प्रहरीले श्रोत नखुलेको २० लाख रुपैयाँसहित सिरहाबाट एक जनालाई पक्राउ गरेको छ ।

सिरहाको सिरहा नगरपालिका १९ सोहरुवा स्थित सीमा ईलाकाबाट सिरहाको अर्नामा गाँउपालिका लक्ष्मीपुर बस्ने ३७ वर्षीय सुकदेव ठाकुरलाई पक्राउ गरेको प्रहरीले जनाएको छ ।

भारतबाट नेपालतर्फ आउँदै गरेका ठाकुरलाई एपीएफ टोलीले जाँच गर्दा उनको साथमा उल्लेखित रुपैयाँ फेला परेको तथा निज ठाकुरले उक्त रुपैयाँको श्रोत खुलाउन नसकेपछि सो रकमसहित उनलाई पक्राउ गरिएको हो ।

पक्राउ परेका निज ठाकुरलाई बरामद रुपैयाँसहित आवश्यक कारवाहीको लागि जिल्ला प्रहरी कार्यालय सिरहामा बुझाइएको छ ।