सीमा संदेश दैनिकद्धारा खेल सामाग्री वितरण

• साउन ९, २०७७ | ५८६ पटक पढिएको | शम्भु कुमार यादब

सिरहा । सीमा संदेश राष्ट्यि दैनिक पत्रिका सफलता पूर्वक पहिलो वर्ष पार गरी दोस्रो वर्षमा प्रवेश गरेको शुभ उपलक्ष्यमा नवराजपुर गाउँपालिका वडा नं. ३ का युवाहरुलाई क्रिकेट खेल सामाग्री वितरण गरेको छ ।

शिक्षा र स्वास्थ्य प्रति युवाहरुलाई अग्रसर बनाउनका लागि मुख्या कार्यालय रहेको स्थानका युवालाई प्राथमिकतामा राखि क्रिकेट खेलका २ थान व्यट, ६ थान विकेट, २ थान वल, १ थान हेलमेट, १ थान ग्लोब र प्याड सहितको एक सेट सामाग्री उपलब्ध गराएको प्रकाशक तथा प्रधानसम्पादक बैधनाथ कुमार यादबले बताउनु भयो ।

शिक्षा स्वास्थ्य आवस्था कमजोर रहेको भारतीय सीमासँग जोडिएका नवराजपुर गाउपालिकाको एक मात्र संचार माध्यमका रुपमा रहेको सीमा संदेश राष्ट्यि दैनिक पत्रिका आफ्ना पाठक वर्गका मन जित्न सदैब सत्य तथ्यमा आधारीत समाचार ल्याउने प्रयासत्त रहने प्रतिवद्धता साथ अनलाईन मार्फत पनि सूचना संदेश प्रकाशन प्रसारण सुरु गरिरहेको जानकारी पनि गराउनु भयो ।

सीमा संदेश परिवारको पहिलो प्राथमिकता नै यहाँका शिक्षा स्वास्थ्यमा आधारीत रहने छ । विकासको प्रमुख खम्बाको रुपमा रहेको युवालाई मानशिक र शारिरीक विकासका लागि विभिन्न क्षेत्रमा सहयोग पनि गरिरहने प्रतिवद्धता यादबले गर्नु भयो ।

खेल सामाग्री पाएपछि खुशी व्यक्त गर्दै राम प्रकाश यादबले भने, आफ्नो ठाउँको प्रति जिमेवारी भई विकासका लागि कार्य सदैव सक्रिय भुमिकामा रहने प्रतिवद्धता गरे । सीमा संदेश परिवारलाई सफताको शुभकामना साथ धन्यवाद दिदै राम सेवक यादबले भने, यस्ता प्रयासले हामी सबै युवाहरुका समाज प्रति जिमेवारी थपिएको महसुश भएको छ । यस कार्यलाई निरन्तर रुपमा समाज विकासका लागि शुफ्रुत रुपमा भुमिका निर्वाह गर्ने छौँ ।