बाढीले बगाएका सडकको पिडा सुन्न वितिकै मेयर आए एक्यसनमा

• भदौ ४, २०७७ | १,४०० पटक पढिएको | सीमा संदेश

सिरहा । सिरहा नगरपापिलका वडा नं. २२ को सिरहा हकपार सडक खण्ड अवरोधको पिडा सुन्न वितिकै मेयर असेश्वर प्रसाद यादब एक्सनमा आई सडकमै पुगी मर्मत कार्य सुरु गरेको छ ।

सिरहा सदरमुकाम जोडने सिरहा हकपारा सडक बाढीले बगाएपछि तिन महिना देखी अवरोध रहेको थियो । अवरोध अवस्थामा रहेको सडक मर्मतका लागि वडाअध्यक्षलाई पटक पटक गुहारेपनि जनताका अवज नसुनेकोले वडावसी मेयर कहाँ गुहार लगाएकापछि मर्मत कार्य घण्टा नवितिदै सुरु गरिएको छ ।

वडा नं. २२ को जनताले आफ्नो पिडा सुनाए लगतै मेयरले सडकमै पुगि शहरी विकास इन्जिनियर संतोष कुमार यादब र सरस्वर कन्ट्क्सन सिरहाका इन्जिनियर सतिश शर्मा र वडा नंं. ८ को वडा अध्यक्ष नागेन्द्र यादबको उपस्थितिमा अवलोकन गरी कार्य सुरु गराएको छ ।

अवरोध सडक निर्माण सुरु भएपछि वडावसीले नगरपालिका मेयारलाई धन्यवाद दिदै खुशी व्यक्त गरिरहेको स्थानिय नेता विजय कुमार यादबले बताउनु भयो ।