मिर्चैयामा पूर्व-पश्चिम राजमार्ग जर्जर अवस्था सुधारको माग गर्दै स्थानीयले गरे चक्काजाम

• भदौ २७, २०७८ | ५८२ पटक पढिएको | सीमा संदेश

सिरहा, भदौ २७ गते । सिरहाको मिर्चैयास्थित पूर्वपश्चिम राजमार्ग स्थानीयहरुले अवरुद्ध पारेका छन् ।

सडक पूर्ण रुपमा भत्केपनि बनाउनका लागि कसैले चाँसो नलिएको भन्दै स्थानीयहरु आन्दोलित बनेका हुन् ।

सयौंको संख्यामा सहभागी स्थानीय व्यापारी, युवा तथा नागरिक समाजले आइतबार अपरान्ह २ घण्टा राजमार्ग अवरुद्ध पारे ।

राजमार्ग अवरुद्ध हुँदा राजमार्गमै सवारीसाधन थन्किएको थियो ।

सडक पूर्ण रूपमा भत्किँदा दुर्घटना बढेको र धुवाँधुलोले आजित बनेको उनीहरूको गुनासो छ ।

तत्काल सडकमा दैनिक समयसमयमा पानी पटाउनुपर्ने र शीघ्र सडकमा कालोपत्रे गरिनुपर्ने माग उनीहरूले गरेका छन् ।