साइकल रेसमा सदाय विजय

• कार्तिक २०, २०७८ | ५०० पटक पढिएको | सीमा संदेश

सिरहा । सिरहाको नवराजपुर गाउँपालिका- ३  जगतपुरमा परम्परा देखि मनाईदै गरेको हुराहरी पर्वलाई विस्थापित गरी साईकल रेस कार्यक्रम गरी मनाईएको छ ।

रेस कार्यक्रममा प्रतिस्पर्धाका लागि २२ जना सहभागिहरुलाई पछाडी पर्र्दै वडा नं. -३ बस्ने सरोज कुमार सदाय प्रथम पुरस्कार साइकल जितन सफल भएको छ । त्यस्तै दोस्रो पुरस्कार नगद रु. २ हजार ५ सय वडा नं.- १ बस्ने राम सेवक यादबले जितेका छ भने तेस्रो पुरस्कार रु. १ हजार ५ सय वडा नं.- २ दिनेश कुमार यादबले जितेका छन् ।

सुंगुरलाई घिसाडी मर्ने गरी पशु चौपायालाई हुरा गराउनु भन्दा साईकल रेस कार्यक्रम राम्रो भएको जसपा नेपालको नवराजपुर गाउँपालिका नगर कमिति अध्यक्ष शिव उदगार यादबले बताउनु भयो ।

त्यस्तै परम्परालाई विस्थापित गरी यसरी अन्य कार्यक्रम गर्नु परम्पार माथिको ठुलो प्रहार भईरहेको जेष्ठ नागरिकहरुका भनाई रहेका थिए ।