अज्ञात रोगका कारण पशु चौपाया भटा–भट मर्दै

• कार्तिक २०, २०७८ | ९८८ पटक पढिएको | बैधनाथ कुमार यादब

सिरहा । सिरहाको नवराजपुर गाउँपालिका वडा नं.-३ जगतपुरमा महिनौ दिन देखि पशु चौपायामा देखिएको अज्ञात रोगका कारण पशु चौपाया भटा– भट मरिरहेको छ । पशु चौपायाहरुका खुट्टामा र शरिरमा घाउ देखिएपछि खाना नखाने लक्षण पछि मर्ने गरेको किसान अमिन्द्र यादबले बताउनु भयो ।

महिनौ दिन देखि यो रोगका कारण १५ वटा भन्दा बढी पशु चौपायाहरु मरेको छ । १ सय भन्दा बढी पशु चौपायाहरुमा यो रोग लागेको छ । कुन रोग हो ? किन सबै पशु चौपायामा लागि रहेको छ? थाहा नभएपछि धामि झाक्रि गराएपनि दिन प्रति दिन पशु चौपायाहरुमा संक्रमित बढी नै रहेको यादबले बताउनु भयो ।

रोग बारे गाउँपालिकामा जानकारी भएपनि पशु शाखाबाट कुनै किसिमको चासो नदिइएको किसान रविलाल यादबले बताउनु भयो । यस रोगको समयमा उचार नभए कति पशु चौपाया मर्छ भने चिन्ता भईरहेको यादबले बताउनु भयो ।