औरहीमा जसपाका अध्यक्ष, उपाध्यक्ष सहित वहुमत वडा विजयी

• जेठ ७, २०७९ | ५९१ पटक पढिएको | सीमा संदेश

सिरहा । सिरहाको औरही गाउँ पालिका जनता समाजवादी पार्टी, नेपाका दर्फबाट अध्यक्षमा जसपा पदमा उम्मेदवारी दिएका शिवजी यादव र उपाध्यक्षमा रेनु कुमारी यादव विजयी भएका छन्। शिवजी यादव ३ हजार ४ सय ६० मत सहित विजयी भएका हुन्।

उनका निकटतम प्रतिपर्धीहरु निवर्तमान मेयर तथा नेकपा माओवादी केन्द्रका सिद्धार्थ यादवले २ हजार ८४ मत र जनमत पार्टीका संजय कुमार यादवले १ हजार ९ सय ४ मत प्राप्त गरेका छन्।

शिवजी यस अघि सिद्धार्थसँग झिनो मतान्तरले पराजय भएका थिए।

उपाध्यक्ष उम्मेदवार रेनु कुमारी यादव ३ हजार ५ सय ५६ मत सहित विजयी भएका हुन्। उनका निकतमहरु नेकपा माओवादीका विनीता कुमारी यादवले २ हजार ७८ मत र जमत पार्टीका गणित देवी यादवले १ हजार ८ सय १५ मत प्राप्त गरेका छन्।

पालिकाको जम्मा ५ वडा मध्ये ३ वटा जसपा र १÷१ वटा नेकपा एमाले र नेकपा माओवादी केन्द्र विजयी भएको छ।

जसपाका सुरैतलाल ठाकुले वडा नम्वर १ बाट ५ सय ३३ मत, वडा नम्वर ३ का जीवछ यादवले ८ सय ३७ मत र वडा नम्वर ५ का राम पृत यादवले ४ सय ७२ मत प्राप्त गर्दै वडा अध्यक्षमा निर्वाचित भएका छन्।

वडा नम्वर ४ मा नेकपा माओवादी केन्द्रका सुरेन्द्र प्रसाद यादव ५ सय २५ मतले र वडा नम्वर २ मा नेकपा एमालेका रामआयोधी यादव ४ सय ९४ मतले विजयी भएका छन्।