दिल्लीबाट आएका छोरालाई वडाध्यक्षले नै घरमा लुकाएकाे खुलासा

• जेठ २, २०७७ | ४६१ पटक पढिएको |

सप्तरीका एक वडा अध्यक्षले दिल्लीबाट आएका आफ्ना छोरालाई क्वारेन्टाइन न पठाई घरमै लुकाएर राखेको खुलासा भएको छ ।

पढाईको सिलसिलामा भारतको दिल्लीमा बस्दै आएका सप्तरीको बोदेबरसाईन नगरपालिका -६ का युवक गए राति घर आएका हुन् ।

स्रोतका अनुसार दिल्लीबाट आएका युवक सप्तरीको बोदे बर्साइन नगरपालिका वडा न. ६ का अध्यक्ष जयराम साहका छोरा हुन् । उनी भारतको नयाँ दिल्लीमा इन्जिनियरिङ अध्ययनरत छन् ।

नाम गोप्य राख्ने शर्तमा स्थानीयले भने ‘हाम्रा अध्यक्ष ज्युले छोरा दिल्लीबाट आएपनी क्वारेन्टाइनमा नराखी घरमा लुकाएकोले सम्पुर्ण बोदे बरसाईन नै सम्भावित संक्रमणको खतरामा छ’ उनले भने कि अध्यक्षको नैतिक जिम्मेवारी हो कि आफ्नो छोरालाई केहि दिन क्वारेन्टाइनमा राख्नुपर्ने स्थानियबासिहरुले माग गरेका छन् ।