पत्रकार यादवमाथि भएको दुव्र्यवहारबारे छानवीन गर्न महासंघद्वारा ५ सदस्य समिति गठन

• भदौ १०, २०७७ | ६४८ पटक पढिएको | बैधनाथ कुमार यादब

सिरहा । न्यूज ब्यूरोका पत्रकार बिनय यादव उपर भएको दुव्र्यवहारको विषयमा छानबिन गर्न ५ सदस्यीय समिति गठन गरिएको छ ।

नेपाल पत्रकार महासंघ सिरहा शाखाले एक प्रेस विज्ञप्ति जारी गर्दै पत्रकार यादव उपर भएको दुव्र्यवहारको सन्दर्भमा छानबिनको लागि महासंघ सिरहाका उपाध्यक्ष रामबाबु यादबको संयोजकत्वमा ५ सदस्यीय प्रतिवेदन समिति गठन गरेको जनाएको छ । समितिमा मनोज बनैता, शिव दयाल यादव, दुर्गा परियार, गणेश साह सदस्य छन् ।

गत शनिबार बेलुकी करिब ७ः३० बजेको समयमा पत्रकार यादवलाई पुरानो समाचारलाई लिएर सिरहको धनगढीमाई नगरपालिका वडा नं. १० स्थित रहेको आरके मेडीसिटी हस्पिटलका कर्मचारीहरुले दुव्र्यवहार गरेको थियो ।

नेपाल पत्रकार महासँघ सिरहाका अध्यक्ष दिनेश्वर प्रसाद गुप्ताद्धारा हस्ताक्षरित विज्ञप्तिमा पत्रकार यादव उपर पुरानो रिसबीले भएको दुव्र्यवहारको छानबिन गरी दोषी उपर कारवाही गर्न पहल गरिने जनाइएको छ । सर्वसाधारण जनताको स्वस्थ्य जस्तो संवेदनशील विषयमाथि चरम लापरबाही गर्दै काण्डै काण्ड गर्दै आएको आरके मेडिसिटी हस्पिटबारे यसअघि पत्रकार यादवले समाचार लेखेका थिए ।