सिरहामा एकै दिनमा २६ जना कोरोना मुक्त भई घर फर्किए

• भदौ ११, २०७७ | ७६२ पटक पढिएको | बैधनाथ कुमार यादब

सिरहामा । सिरहामा एकै दिनमा एक चिकित्सकसहित २६ जना कोरोना संक्रमण मुक्त भई घर फर्किएका छन् । 

सिरहाका चन्द्र माध्यमिक विद्यालयको आइसोलेसनका इन्चाज डा. सरविन्दर मण्डलका अनुसार ६ जना महिला र २० जना पुरुष कोरोना भाईरसबाट मुक्त भई घर फर्किएको छ । डिस्चार्ज हुनेमा अधिकांश कन्ट्याक्ट ट्रेसिङका आधारमा कोरोना संक्रमित भएकाहरु रहेको डा. मण्डलले बताए । 

कोरोना मुक्त भएकाहरु सिरहा नगरपालिका, मिर्चैया नगरपालिका, कल्याणपुर नगरपालिका क्षेत्रका रहेका छन । .सिरहा जिल्लामा कोराना संक्रमण समुदायस्तरमा फैलिएसँगै सरकारी कार्यालय, प्रहरी इकाइ, बैंक तथा वित्तीय क्षेत्रका कर्मचारीहरु संक्रमित भएका छन् । 

बिहीवार मात्र सिरहामा थप २ जना कोरोना संक्रमित फेला परेको छ । सुखिपुर नगरपालिकका २६ बर्षि १ जना पुरुष र गोलबजार प्रहरी कार्यालयको ४९ बर्षि पुरुषमा कोरोना भाइरस भेटिएको जिल्ला स्वास्थ्य कार्यालय सिरहाको प्रमुख कृष्णदेव यादबले जनाकारी दिनु भयो ।

सिरहामा हाल सम्म ७ हजार १ सय ७ जनाका स्वब संकलन गरिएका छन । जस मध्ये ३ सय ८६ जनाको पोजेटिभ रिर्पोट रहका छन । आईसुलेशनमा १ सय १६ जना रहेका छन भने कोरोनाबाट मुक्त भई २ सय ६६ जना घर फर्केका छन । कोरोनाबाट सिरहा ४ जनाका मृत्यु भएको छ